St. Georgsgildið í Hafnarfirði

Hver var Axlar-Björn?

Kristjana Þórdís Ásgeirsdóttir — Thu, 15 Apr 2010 10:08:10 +0000

Næsti fundur verður í Hverahlíð laugardaginn 17. apríl kl. 13. Mæting við Hraunbyrgi kl. 12.15 þar sem safnast verður saman í bíla.

Ólafur Ásgeirsson þjóðskjalavörður mun fræða okkur um þennan mann. Kakó og meðlæti á staðnum gegn vægu gjaldi.

Hittum sem flest og komum klædd eftir veðri.

Gildispósturinn er á netinu. Þar eru upplýsingar um St. Georgsdaginn í Hveragerði, ferð til Færeyja og fleira.

Ferðasaga björgunarsveitarmanns til Haítí

Kristjana Þórdís Ásgeirsdóttir — Wed, 03 Mar 2010 19:07:12 +0000

Næsti Gildisfundur verður í Skátalundi fimmtudaginn 18. mars kl. 20. Farið verður frá Skátaheimilinu Hraunbyrgi kl. 19.30. Þeir sem vilja fá far upp í skála mæti þangað og þeim verður séð fyrir fari.

Bragi Reynisson björgunarsveitarmaður og skáti kemur og segir frá ferð Alþjóðabjörgunarsveitarinnar til Haítí í janúar.
Fjölmennum.

Ný stjórn og frábær kjötsúpa

Kristjana Þórdís Ásgeirsdóttir — Tue, 23 Feb 2010 22:13:26 +0000

Aðalfundur gildisins var haldinn 17. febrúar. 28 manns mættu á fundinn. Eyþór Þorláksson sagði frá fyrstu árum sínum í gítarnámi og ferðum til útlanda og lék síðan á gítarinn af sinni alkunnu snilld. Hörður Zóphaníasson og Ásthildur Ólafsdóttir fluttu gamanmál.

Ný stjórn var kjörin og er þannig skipuð:
Guðvarður B. F. Ólafsson gildismeistari
Edda M. Halldórsdóttir varagildismeistari
Kristjana Þórdís Ásgeirsdóttir ritari
Jóna Bríet Guðjónsdóttir gjaldkeri
Edda Hjaltested meðstjórnandi
Hermann Sigurðsson varamaður
Sigurður Baldvinsson varamaður
Endurskoðendur Sveinn og Ragnheiður, Formenn nefnda: Albert Kristinsson, laganefnd, Ólafur K. Guðmundsson skálanefnd, Anna Þormar skeytaútkeyrslunefnd, Hreiðar Sigurjónsson uppstillinganefnd, Renate Sörensen friðarljóssnefnd, Jóna Bríet Guðjónsdóttir minjanefnd.
Árgjald er það sama og fyrr 2.500 kr og verður fljótlega sent í innheimtu.
Boðið var upp á kjötsúpu af tilefni dagsins og voru henni gerð góð skil. Afgangurinn var frystur og verður notaður við fyrsta tækifæri.

Spilakvöld í Keflavík

Kristjana Þórdís Ásgeirsdóttir — Mon, 25 Jan 2010 23:10:27 +0000

3. febrúar kl. 20 heldur St. Georgsgildið í Keflavík sitt árlega spilakvöld. Spilað verður í Skátahúsinu í Keflavík. Þorransakk verður í boði áður en spilin hefjast. Þeir sem hyggjast leggja leið sína í Keflavík láti vita ekki seinna en mánudaginn 1. febrúar.

Aðalfundur St. Georgsgildisins í Hafnarfirði

Kristjana Þórdís Ásgeirsdóttir — Mon, 25 Jan 2010 23:08:04 +0000

Miðvikudaginn 17. febrúar kl. 19 verður aðalfundur gildisins haldinn í skátaheimilinu Hraunbyrgi. Venjuleg aðalfundarstörf, þ.e. fluttar verða skýrslur stjórnar, gjaldkera og nefnda, kosið í stjórn og nefndir. Engar lagabreytingar liggja fyrir. Önnur mál.

Boðið verður upp á íslenska kjötsúpu og innheimt fyrir hana lágmarksverð eða kr. 1.000. Þeir sem eiga í fórum sínum einhverjar góðar sögur eða frásagnir, ljóð eða annað endilega komi því á framfæri á fundinum.

Mætum sem flest. Stjórnin

Slóðar í Hafnarfirði og nágrenni

Kristjana Þórdís Ásgeirsdóttir — Mon, 25 Jan 2010 23:04:13 +0000

Jónatan Garðarsson mætti á fund 14. janúar og fræddi okkur um slóða og gönguleiðir í Hafnarfirði og nágrenni og sagði okkur í máli og myndum frá því sem er komið og því sem framundan er í þeim málum. Var góður rómur gerður að erindi hans. Mættir voru um 30 félagar.

Jólafundurinn í Skátalundi

Kristjana Þórdís Ásgeirsdóttir — Sat, 21 Nov 2009 12:06:32 +0000

Sunnudaginn 6. desember kl. 14 verður jólafundurinn að venju í Skátalundi. Þar ætlum við að gleðjast saman, syngja og eta. Komum nú sem flest með heimalagað góðgæti á hlaðborðið og mætum með börn, barnabörn og langömmubörn. Sjáumst sem flest.

Friðarljósið afhent

Kristjana Þórdís Ásgeirsdóttir — Sat, 21 Nov 2009 12:05:01 +0000

Friðarljósið verður afhent með athöfn í kapellunni í Karmelklaustrinu á fimmtudag 26. nóvember kl. 20. Þeir sem áhuga hafa á því að vera viðstaddir eru beðnir um að hafa samband við Elínu Ricards landsgildismeistara í elric@lindaskoli.is eða í síma 570 6500. þar sem nunnurnar vilja gjarna vita um fjölda þeirra sem koma í kaffi á eftir.

Nýliðar í smádýrafánunni

Kristjana Þórdís Ásgeirsdóttir — Thu, 05 Nov 2009 10:53:23 +0000

Erling Ólafsson skordýrafræðingur kemur á næsta fund miðvikudaginn 18. nóvember kl. 20.30 stundvíslega í Skátaheimilinu Hraunbyrgi og segir okkur frá nýliðum í smádýrafánunni í náttúru Íslands. Þetta verður ófaglegt myndarennsli með spjalli um tegundir, engar fræðilegar samantektir. Mætum nú sem flest og tökum endilega með okkur gesti. Kaffi og meðlæti á staðnum gegn vægu gjaldi.

Pöddur í náttúru Íslands

“Dagur íslenskrar tungu – Fjölnismennirnir Tómas Sæmundsson og Jónas Hallgrímsson”

Kristjana Þórdís Ásgeirsdóttir — Thu, 08 Oct 2009 13:30:53 +0000

Næstkomandi mánudag 12. október kl. 20 er fundur í Hraunbyrgi. Þangað mæta þau feðgin Leifur Þorsteinsson og Steinunn Leifsdóttir og flytja okkur þetta erindi um Fjölnismenn. Mætum sem flest og minnumst góðs félaga.