Main menu:

Nýjasti Gildispósturinn

Links:

RSS Af Hraunbuar.is

Aðalfundur 10. mars

gudni ritaði þann 28. February 2016 | Fréttir

Aðalfundur St. Georgsgildisins í Hafnarfirði verður haldinn fimmtudaginn 10. mars kl. 20 í Hraunbyrgi.

Auk hefðbundinna aðalfundarstarfa ætlar Gunnar Svavarsson, formaður stjórnar nýs Landspítala, að segja okkur frá því sam þar er að gerast í máli og myndum. Gunnar er gamall skáti og verður formlega tekinn inn í gildið ásamt fleirum á fundinum.

Lesa meira »

Vináttudagurinn á laugardag

gudni ritaði þann 19. October 2015 | Fréttir

Vináttudagur gildisskáta verður í Keflavík á laugardag, 24. október. Hefst dagskrá í Duushúsi kl. 14 og kaffisamsæti að hætti Keflvíkinga verður í skátaheimili Heiðabúa um kl. 15.

Boðið er upp á rútuferð frá Hraunbyrgi kl. 13.20.

Verð fyrir kaffisamsætið er 2.500 kr. en óvíst er með verð fyrir rútuna en verður þó örugglega hóflegt.

Kvöldvaka á fimmtudag

gudni ritaði þann 19. October 2015 | Almennt, Fréttir

Á fimmtudag, 22. október, kl. 19 verður sameiginleg kvöldvaka gildisskáta og Hraunbúa í Hraunbyrgi. Þetta er liður í auknu samstarfi skátafélaganna í Hafnarfirði og þær sameiginlegu kvöldvökur sem haldnar hafa verið hafa verið mjög vel heppnaðar.

Rannveig Ólafsdóttir er farin heim

gudni ritaði þann 7. August 2015 | Almennt, Fréttir

Fædd 3. maí 1927 – látin 23. júlí 2015.

Rannveig Ólafsdóttir

Það er skammt stórra högga á milli í röðum gildisfélaga í Hafnarfjarðargildinu. Rannveig Ólafsdóttir er farin heim. Hún lést á líknardeild LSH að kvöldi föstudagsins 23. júli s.l. eftir erfið en skammvinn veikindi.

Rannveig var fædd í Hafnarfirði og uppalin að Hverfisgötu 23. Hún starfaði við fyrirtæki föður síns, Verslun Ólafs H. Jónssonar er stóð á horni Strandgötu og Reykjavíkurvegar, fram til þess að hún byrjaði búskap með eiginmanni sínum Guðjóni Erni Kristjánssyni í kjallaranum í húsi foreldra sinna við Hverfisgötu. Þaðan fluttu þau með tvö börn eftir tæp 4 ár er stefnan var tekin til Reykjavíkur og þar hafa þau átt heimili síðan. Rannveig og Guðjón eignuðust fimm börn.

Lesa meira »

Dugnaður og gleði

gudni ritaði þann 17. May 2015 | Fréttir

26 mættu í Skátalundi í dag á árlegum tiltektardegi með meiru. Trjáplöntum var plantað, skálinn var þveginn hátt og lágt, pallurinn var skafinn, tré voru snyrt og töluvert af trjám sem höfðu verið felld voru söguð niður í eldivið.

Kaffikannan var margnotuð og grillið hitað enda verður fólk svangt þegar vel er tekið á. Börnin léku, sumir púluðu, aðrir kíktu við og veittu andlega hressingu.

Gildisskátar voru frá báðum gildunum í Hafnarfirði og allir fóru glaðir heim eftir góðan dag.

26 mættu í Skátalundi í dag á árlegum tiltektardegi með meiru. Trjáplöntum var plantað, skálinn var þveginn hátt og lá…

Posted by Skátagildi on Sunday, 17 May 2015

Hörður er farinn heim

gudni ritaði þann 15. May 2015 | Fréttir

fæddur 25. apríl 1931 – látinn 13. maí 2015

Hörður Zóphaníass.

Hörður Zóphaníasson

Heiðursfélagi okkar, Hörður Zóphaníasson er farinn heim. Hann lést á heimili sínu í faðmi fjölskyldunnar 13. maí sl., 84 ára gamall. Að lýsa Herði er kannski ekki auðvelt en mest áberandi var að hann var sannkallað félagsmálatröll. Hann var virkur svo víða, enda hafði hann mikla réttlætiskennd og vildi með verkum sínum leggja hönd á plóg við að gera heiminn betri. Við skátar nutum svo sannarlega verka hans og var einmitt félagsforingi Hraunbúa þegar ég hóf mitt skátastarf. Hörður naut ávallt mikillar virðingar enda fórst honum öll stjórnun vel úr hendi, hann þurfti nær aldrei að brýna röddina og aldrei sá ég hann skipta skapi. Hann var þó fylginn sér og duglegur að koma hlutum í verk.

Lesa meira »

Renate er farin heim

gudni ritaði þann 14. May 2015 | Fréttir

fædd 3. maí 1938 – látin 9. maí 2015

Renate Sörensen Scholz

Renate Sörensen Scholz er farin heim. Hún lést eftir langvarandi veikindi laugardaginn 9. maí, daginn sem gildisfélagar söfnuðust saman á landsþingi í Keflavík. Renate var góður gildisfélagi og og starfaði m.a. ötullega að málefnum Friðarlogans ásamt manni sínum, Ásgeiri Sörensen sem lést árið 2009. Renate var glæsileg kona og vann störf sín af alúð en lét ekki mikið á sér bera.

F.h. gildisskáta vil ég þakka Renötu fyrir ánægjulegt samstarfi í gegnum árin og votta aðstandendum hennar samúð mína. Renate og Ásgeir eignuðust ekki börn.

Guðni Gíslason gildismeistari.

Jón Bergsson er farinn heim

gudni ritaði þann 1. May 2015 | Fréttir

fæddur 30. október 1931 – látinn 25. apríl 2015

Jón Bergsson

Jón Bergsson

Enn er skarð rofið í raðir okkar gildisskáta. Jón Bergsson, öflugur gildisfélagi er farinn heim. Jón lést á heimili sínu aðfararnótt laugardagsins 25. apríl. Hafði hann allt til hins síðasta verið virkur félagi og skátastarfið var honum hugleikið. Hann var gildismeistari árin 1985-1987.

Í hvert sinn sem ég hitti hann, vikulega á rótarýfundum eða annars staðar, rétti hann ávallt fram vinstri höndina að skátasið og bar skátamerki í barminum með stolti. Það var ávallt ljúft að hitta þau saman, Jón og Dísu, enda voru þau samrýmd í skátastarfinu. Jón er hluti af barnsminningu minni enda tókst vinskapur með þeim og mínum foreldrum er við fluttumst til Hafnarfjarðar árið 1962.

Fyrir alla þá góðu viðkynningu vil ég þakka og fyrir hönd St. Georgsgildisins í Hafnarfirði og hafnfirskra skáta vil ég þakka honum fyrir hans störf í skátahreyfingunni. Vottum við Kristjana Dísu, Þórdísi Steinunni Sveinsdóttur, konu hans og félaga okkar samúð sem og börnum þeirra og fjölskyldum.

Guðni Gíslason gildismeistari.

Albert J. Kristinsson er farinn heim

gudni ritaði þann 1. March 2015 | Fréttir

Albert J. Kristinsson
f. 4. júní 1926 – dáinn 28. febrúar 2015

Félagi okkar, Albert Júlíus Kristinsson er farinn heim.

Albert J. Kristinsson

Hann var aðeins 88 ára gamall þegar hann var kvaddur heim. Ég segið aðeins, þar sem Albert var alla tíð virkur félagi í St. Georgsgildinu í Hafnarfirði, sótti flesta fundi, var mjög virkur í skálanefnd Skátalundur og sinnti þar viðhaldi allt fram á síðasta haust. Hann var ekki aðeins virkur félagi, hann var líka góður félagi og allt til síðasta var honum umhugað um velferð skátagildisins og skátastarfs í Hafnarfirði.

Ég vil nota þetta tækifæri til að þakka fyrir það að hafa kynnst Alberti fyrir rúmlega fimmtíu árum, fyrir að hafa fengið að líta upp til hans og að hafa fengð að  læra af honum og fengið að vera hans vinur og samverkamaður. Ég vil líka þakka honum fyrir síðustu orðin á spítalanum, hann gaf mér meira en ég gat gefið honum.
Ég votta Elsu og fjölskyldu allri samúðar og flyt fjölskyldunni samúðarkveðjur gildisskáta.
Guðni Gíslason
gildismeistari

Landsmótsmyndir og fyrripartar

gudni ritaði þann 13. January 2015 | Fréttir

Fyrsti gildisfundur ársins er fimmtudaginn 15. janúar kl. 20 í Hraunbyrgi.

Þar munu Guðni og Kristjana miðla frá upplifun sinni á Landsmóti skáta á Akureyri sl. sumar þar sem þau voru fararstjórar Hraunbúa. Sýndar verða myndir frá þessu skemmtilega móti.

Við komu á fundinn fá fundargestir fyrriparta sem þeir fá að spreyta sig á og yfir kaffinu fáum við vonandi að heyra einhverja skemmtilega seinniparta.

Heimabakaðir kanelsnúðar verða með kaffinu.

Allir gildisskátar velkomnir.